Nacyjanał‑demakratyčnaja supolnaść Biełarusi viasnoj źbirajecca šyroka adznačyć 90‑hodździe z dnia ŭtvareńnia BNR. Ale staršynia Rady BNR Ivonka Surviłła ŭ Minsk nie pryjedzie.
Jak raspavioŭ Racyi namieśnik staršyni Rady, były deputat Viarchoŭnaha Savieta Siarhiej Navumčyk, staršynia Rady BNR — hety peŭny status i peŭnaje staŭleńnie:
«Takoje staŭleńnie z boku nacyjanalna aryjentavanaj hramadskaści jość. 15 hadoŭ tamu ŭ Biełaruś pryjazdžaŭ tahačasny staršynia Rady Jazep Sažyč, jaki mieŭ sustrečy i z kiraŭnikom Biełarusi na toj čas Stanisłavam Šuškievičam. Voś uzrovień vizitu. Ale zaraz takoha farmatu być nie moža. Nichto z čynoŭnikaŭ sustrakacca ź Ivonkaj Surviłłaj nie budzie. Da ŭsiaho joj mohuć učynić na miažy asabisty dahlad. Heta nienarmalnaja situacyja. Tamu jaje vizit u Minsk u ciapierašniaj situacyi vyklučany».