U Minsku DAI uzmocnić kantrol kala nierehulavanych piešachodnych pierachodaŭ
Z metaj papiaredžańnia hibieli piešachodaŭ i viełasipiedystaŭ u darožna-transpartnych zdareńniach Dziaržaŭtainśpiekcyja Minska ŭ pieryjad z 21 pa 31 lipienia ŭzmocnić kantrol za ŭdzielnikami darožnaha ruchu blizu nierehulavanych piešachodnych pierachodaŭ, asablivaja ŭvaha budzie nadavacca niećviarozym udzielnikam darožnaha ruchu.
Pra heta paviedamili ŭ adździele DAI Centralnaha rajona stalicy.
Budzie praviedzieny šerah rastłumačalna-prafiłaktyčnych mierapryjemstvaŭ, supracoŭniki DAI naviedajuć nie tolki navučalnyja ŭstanovy, ale i spartyŭnyja siekcyi pa viełasporcie, viełakłuby i hurtki, kab u čarhovy raz nahadać viełasipiedystam pra nieabchodnaść vykanańnia praviłaŭ darožnaha ruchu. Nie zastaniecca biez uvahi i vykarystańnie piešachodami śviatłoadbiŭnych elemientaŭ, a viełasipiedystami kamizelek pavyšanaj bačnaści.
U DAI paviedamili, što z pačatku hoda ŭ Biełarusi adbyłosia 693 DTZ z udziełam piešachodaŭ, u jakich 68 čałaviek zahinuli, 41% zdareńniaŭ adbylisia pa vinie samich piešachodaŭ.
U Minsku za šeść miesiacaŭ hetaha hoda zarehistravanyja 171 najezd na piešachodaŭ, u jakich zahinuli 15 čałaviek, 167 atrymali ranieńni roznaj stupieni ciažaru. Pa vinie samich piešachodaŭ učyniena 57 darožna-transpartnych zdareńniaŭ, u vyniku jakich dzieviać čałaviek zahinuli, 50 paranienyja. Pry hetym 21 piešachod znachodziŭsia ŭ stanie apjanieńnia.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?11
Kamientary