U Biełarusi novyja darohi buduć budavać ź ciemientabietonnym pakryćciom. Takaja norma ŭtrymlivajecca ŭ raspracavanym pa daručeńni Savieta Ministraŭ techničnym kodeksie ŭstalavanaj praktyki.
Pra heta paviedamiła pres-sakratar Ministerstva architektury i budaŭnictva Alena Krutalevič.
«U Biełarusi jašče ŭ 70—80-ja hady było pabudavana niekalki tysiač kiłamietraŭ bietonnych daroh, i heta nie novy vopyt dla darožnikaŭ, prosta zaraz budaŭnictva budzie ažyćciaŭlacca z prymianieńniem najnoŭšych technałohij», — adznačyła Alena Krutalevič.
Ź bietonu prapanujecca budavać mahistralnyja vulicy siarednich i małych haradoŭ, hałoŭnyja vulicy pasiołkaŭ i sielskich nasielenych punktaŭ.
Adznačajecca, čto cemientabietonnaje pakryćcio słužyć značna daŭžej — da 20—30 hadoŭ, asfaltavaje mienš daŭhaviečnaje i vykarystoŭvajecca ad 4 da 7 hadoŭ.
Vysokaja daŭhaviečnaść bietonu dazvalaje skaracić vydatki na ŭtrymańnie i ramont daroh da minimumu i pravodzić tolki niaznačny biahučy ramont.
Pieravahami ciemientnabietonnaha pakryćcia źjaŭlajucca vialikaja tryvałaść, jakaja dazvalaje prapuskać ŭsie vidy ciažkaha aŭtamabilnaha transpartu.
A dosyć vysokaja šurpataść pavierchni pakryćcia, dapuskaje ruch transpartu ź vialikimi chutkaściami ŭ vilhotnaje nadvorje.
«Suprać asfaltavych daroh śviedčyć jašče i taki faktar, jak adsutnaść u krainie jakasnych darožnych bitumaŭ, jakija b adpaviadali jeŭrapiejskim normam, i jakija my vymušanyja impartavać», — patłumačyła pres-sakratar.
-
VIP-zała, fudkorty i płanietaryj. Najstarejšy kinateatr Mahilova ŭ styli kanstruktyvizmu zakryli na rekanstrukcyju
-
Departavanaj ź Biełarusi žycharcy Hviniei viarnuli dačku, jakuju trymali ŭ dziciačym domie ŭ Miensku
-
Zorku alimpijad sa Śvietłahorska asudzili za «sadziejničańnie ekstremisckaj dziejnaści»
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4949
Kamientary