U staličnym transparcie byŭ zaŭvažany ahresiŭny pasažyr u majcy z emblemaj terarystyčnaj arhanizacyi. Pra heta paviedamiŭ Franak Viačorka.
«Siońnia dniom ja sieŭ u tramvaj i ŭbačyŭ, što mužčyna mažnaha ciełaskładu kryčyć na hurt dziaciej. Jany ničoha drennaha nie rabili, a prosta šumieli, jak mnohija dzieci. Ale jon pačaŭ pavodzić siabie ahresiŭna, kryčaŭ na ich i vychavacielku.
Samaje cikavaje, što na im była majka «Danieckaja narodnaja respublika».
Mnohija zdymali heta na telefony, u tym liku i ja. Kali jon heta ŭbačyŭ, to pačaŭ čaplacca da mianie i nazyvać mianie «banderaŭcam». U adkaz na heta ja skazaŭ, što jon sieparatyst. My łajalisia paru chvilin, potym ja vyjšaŭ, a jon mnie pryhraziŭ kułakom i skazaŭ, što znojdzie mianie.
Ja nie viedaju, chto jon pavodle nacyjanalnaści, ale samo znachodžańnie čałavieka ŭ majcy z hetaj simvolikaj aburalnaje.
U toj čas, jak u Biełarusi sadziać u turmu za nacyjanalnyja simvały — bieł-čyrvona-bieły ściah i «Pahoniu» — pa horadzie spakojna jeździć čałaviek ź simvolikaj terarystaŭ», — raspavioŭ Franak Viačorka.
Varta adznačyć, što emblema samaabvieščanaj «DNR» na majcy pasažyra namalavanaja niapravilna.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?11
Kamientary