U niadzielu ŭviečary praciahvalisia aktyŭnyja bajavyja sutyknieńni ŭ rajonach haradoŭ Lisičansk, Rubiežnaje, Sievieradanieck i ŭ pryharadach Łuhanska, u časie jakich bajeviki panieśli vialikija straty. Pra heta na svajoj staroncy ŭ Facebook napisaŭ ministr abarony Ukrainy Valeryj Hielatej.
«Terarysty pasprabavali prarvacca z akružanaha Lisičanska kałonaj techniki, ale trapili ŭ ahniavoj miašok padraździaleńniaŭ Uzbrojenych sił Ukrainy. Jak vynik, try adzinki techniki terarystaŭ harać na miescy boju. Astatnija viarnulisia ŭ zabłakavany horad», — paviedamiŭ Hielatej.
«Za apošnija sutki ŭkrainskija vajskoŭcy zachapili ŭ pałon 35 rasijskich najmitaŭ, siarod jakich bolšaja častka — kadyraŭcy», — adznačaje ministr.
Kamientary