Videazvarot źjaviŭsia na sajcie Kramla a 1.40 paśla razmovaŭ z prezidenta Rasii z prezidentam Francyi, premjerami Niderłandaŭ, Aŭstralii, Vialikabrytanii i kanclerkaj Niamieččyny.
U. Pucin:
U suviazi z žudasnymi trahičnym padziejami, jakija adbylisia ŭ niebie nad Danieckam, chacieŭ by jašče raz skazać pra toje, jak my ŭ Rasii stavimsia da padziej, jakija adbyvajucca siońnia va Ukrainie.
My nieadnarazova zaklikali ŭsie supraciŭnyja baki nieadkładna spynić krovapralićcie i sieści za stoł pieramovaŭ. Z upeŭnienaściu možna skazać, što kali b 28 červienia bajavyja dziejańni na ŭschodzie Ukrainy nie byli adnoŭlenyja, to i hetaj trahiedyi napeŭna b nie adbyłosia.
Razam z tym, nichto nie pavinien i nie maje prava vykarystoŭvać hetuju trahiedyju dla dasiahnieńnia vuzkakaryślivych palityčnych metaŭ. Takija padziei pavinny nie raźjadnać, a abjadnać ludziej. Treba, kab usie ludzi, jakija adkazvajuć za situacyju ŭ rehijonie, pavysili svaju adkaznaść i pierad ułasnym narodam, i pierad narodami tych krain, pradstaŭniki jakich stali achviarami hetaj katastrofy.
Nieabchodna zrabić usio, kab naładzić biaśpiečnuju pracu mižnarodnych ekśpiertaŭ na miescy trahiedyi. Siońnia tam užo pracujuć pradstaŭniki Danbasa, Daniecka, pradstaŭniki MNS Ukrainy, ekśpierty Małajzii. Ale hetaha niedastatkova.
Nieabchodna, kab na miescy katastrofy pracavała paŭnavartasnaja hrupa ekśpiertaŭ pad ehidaj IKAO, adpaviednaja mižnarodnaja kamisija. Treba zrabić usio dla zabieśpiačeńnia jaje poŭnaj, absalutnaj biaśpieki, stvaryć nieabchodnyja dla jaje pracy humanitarnyja kalidory.
Sa svajho boku Rasija zrobić usio, što ad nas zaležyć, kab kanflikt na ŭschodzie Ukrainy pierajšoŭ ź siońniašniaj vajennaj fazy ŭ fazu abmierkavańnia za stałom pieramovaŭ mirnym i vyklučna dypłamatyčnymi srodkami.
Kamientary