Novapryznačany ministr abarony Vialikabrytanii Majkł Fełan zaklikaŭ Uładzimira Pucina «zyści z uschodniaj Ukrainy». Pra heta havorycca ŭ artykule The Independent, piša LB.ua.
Majkł Fełłon, jaki byŭ pryznačany Devidam Kemieranam ŭ aŭtorak, abvinavaciŭ Rasieju ŭ «spansavańni teraryzmu» i padtrymcy pramaskoŭskich sieparatystaŭ, na jakich lažyć vina za źniščeńnie samalota Malaysian Airlines.
«U vypadku, kali Rasija źjaŭlajecca hałoŭnym vinavatym, my možam pryniać dalejšyja miery suprać jaje i dać zrazumieć, što hety vid arhanizavanaj vajny zusim nieprymalny. Heta spansavańnie teraryzmu ŭ dačynieńni da žycharoŭ uschodniaj Ukrainy», - dadaŭ jon.
Pavodle jaho słoŭ, Pucin pavinien «advieści svaje vojski ad miažy i spynić umiašalnictva». «Jany pavinny syści z uschodniaj Ukrainy i pakinuć Ukrainu ŭkraincam», — dadaŭ Fełłon.
Fełan taksama pryznajecca, što raniej Brytanija nie dastatkova efiektyŭna dziejničała ŭ vyrašeńni kanfliktu va Ukrainie.
Kamientary