Siły ATA ŭ Łuhansku adrezali bajevikoŭ ad krynic zabieśpiačeńnia. U Daniecku — bai FOTA
Siły ATA ŭ Łuhansku adrezali bajevikoŭ ad krynic zabieśpiačeńnia, paviedamlaje pres-centr ATA na svajoj staroncy ŭ Facebook.
«Razumiejučy heta, jany akazvajuć luty supraciŭ. Aeradrom Łuhanska zabiaśpiečany bojeprypasami, materyjalna-techničnymi srodkami, što ŭ korani mianiaje situacyju. Siły bajevikoŭ byli adcisnuty ad aeradroma.
Taksama siły ATA častkova zabłakavali horad Lisičansk. Razumiejučy heta, bajeviki na praciahu nočy zrabili niekalki sprobaŭ vychadu. U vyniku bajavych sutyknieńniaŭ była źniščana technika i žyvaja siła praciŭnika.
Kala 30 čałaviek ŭziatyja ŭ pałon.
Z poŭnačy uziaty pad kantrol pierymietr pablizu nasielenaha punkta Rubiežnaje», — paviedamili ŭ pres-centry, adznačyŭšy, što zaraz padraździaleńnia Nacyjanalnaj hvardyi i Uzbrojenych Sił Ukrainy pravodziać mierapryjemstvy pa ačystcy terytoryi.
U pres-centry taksama adznačajuć, što ściskajecca koła vakoł Horłaŭki i Daniecka.
Zaniataja značnaja terytoryja pamiž Arciomaŭskam, Horłaŭkaj, Kanstancinaŭkaj.
«U Daniecku ŭ kvadracie Čyrvonaarmiejskaj šašy — vuł. Maršała Žukava — vuł. Stratanaŭtaŭ — vuł. Arciomaŭskaja viaducca bajavyja dziejańni», — paviedamlaje sajt harsavieta Daniecka ranicaj 21 lipienia.
«Prosim žycharoŭ, jakija pražyvajuć u dadzienym kvadracie, nie vychodzić na vulicu i nie pakidać miežaŭ svaich damoŭ i kvater», — pišuć pradstaŭniki harsavieta.
«Pašyrajecca zona kantrolu vakoł aeradroma Danieck, što taksama (…) istotna padryvaje pazicyi bajavikoŭ. U cełym, u troch kirunkach siły ATA vałodajuć situacyjaj i naroščvajuć pieravahu», — paviedamili ŭ pres-centry ATA.
U toj ža čas, bajeviki praciahvajuć abstrelvać pazicyi ŭkrainskich vajskoŭcaŭ. «Najbolš składanaja abstanoŭka zachoŭvajecca ŭ rajonach nasielenych punktaŭ Danieck, Łuhansk, Krasnodon, Papasnaja i ŭ pamiežnaj zonie», — paviedamili ŭ pres-centry.
Kamientary