Ministerstva ekanomiki Biełarusi zahadała AAT «Ahrakambinat «Dziaržynski» źnizić košty na paŭfabrykaty ź miasa ptuški, paviedamili ŭ pres-słužbie viedamstva.
Pradpisańnie ab źnižeńni cen na paŭfabrykaty ź miasa ptuški (adnaŭleńni ŭzroŭniu cen, što dziejničali da 21 maja 2014 hoda, z ulikam mahčymaha abhruntavanaha ich pavyšeńnia) vyniesiena pa vynikach razhladu situacyi, jakaja tyčycca rezkaha pavieličeńnia adpusknych cen na dadzienuju pradukcyju ŭ mai 2014 hoda.
Dadzienaje rašeńnie pryniata dla spynieńnia parušeńnia antymanapolnaha zakanadaŭstva, bo AAT «Ahrakambinat «Dziaržynski» nie pryniało mier pa źnižeńni cen u adpaviednaści ź listom-papiaredžańniem ab jaho likvidacyi.
Raniej anałahičnyja pradpisańni byli vyniesienyja AAT «Viciebskaja brojlernaja ptuškafabryka», STAA «Vitkonpradukt», AAT «Smalavičy Brojler» i SZAT «Siervaluks» (filijał «Siervaluks Ahra»).
Kamientary