Alaksandr Łukašenka adznačaje stabilizacyju, jakaja adbyłasia na ŭnutranym valutnym rynku krainy. Pra heta jon zajaviŭ siońnia, prymajučy z dakładam premjer-ministra Michaiła Miaśnikoviča.
«Vielmi važna, što ŭ apošni čas stabilizavaŭsia ŭnutrany valutny rynak. Nasielnictva niejak supakoiłasia, i pradpryjemstvy stali bolš pradavać valuty», — zajaviŭ Łukašenka.
Alaksandr Łukašenka pry hetym kanstatavaŭ, što, viadoma, nie va ŭsich, ale ŭ cełym u nasielnictva na rukach byŭ niemały abjom valutnych srodkaŭ. «Nie viedaju, da čaho rychtavalisia, navošta, choć my zaŭsiody kazali, što nie źbirajemsia abvalvać kurs nacyjanalnaj valuty i budziem usialak padtrymlivać našu nacyjanalnuju valutu. Viadoma, nie na škodu ekspartu, ale zaŭsiody budziem vieści pradkazalnuju palityku», — zaŭvažyŭ kiraŭnik dziaržavy.
Łukašenka daručyŭ Michaiłu Miaśnikoviču skarystacca stabilizacyjaj, «kab padciahnuć niekatoryja pytańni ŭ ekanomicy».
Kamientary