Dvoje dziaciej vypali praz maskitnyja sietki na voknach u Homielskaj vobłaści
U minułyja vychodnyja dvoje dziaciej vypali z voknaŭ šmatkvaternych damoŭ u Homieli i pasiołku Čonki Homielskaha rajona, paviedamili ŭ prakuratury Homielskaj vobłaści.
U Homieli dvuchhadovy mały zastaŭsia z babulaj i dziadulem, kali mama pajšła ŭ kramu. Babula pakarmiła dzicia i pajšła vynieści posud.
U hety momant mały zmoh zabracca na padvakońnie i abapiercisia na maskitnuju sietku adkrytaha akna na 3-m paviersie.
Chłopčyk vypaŭ z akonnaha prajomu. Sa šmatlikimi traŭmami dzicia špitalizavanaje ŭ reanimacyju abłasnoj balnicy.
U pasiołku Čonki z vyšyni druhoha paviercha zvaliłasia šaścihadovaja dziaŭčynka.
Ciažaru jaje cieła taksama nie vytrymała maskitnaja sietka, na jakuju jana abapierłasia. Z traŭmami dziaŭčynka dastaŭlena ŭ balnicu.
U prakuratury adznačyli, što heta daloka nie pieršy padobny vypadak traŭmiravańnia dziaciej. I ŭ haračaje nadvorje ich kolkaść uzrastaje. Maskitnyja sietki, jakija ŭstaloŭvajucca na voknach, stvarajuć tolki iluziju biaśpieki. Tamu vielmi važna vyklučyć dostup maleńkich dziaciej da adkrytych naściež voknaŭ.
Kamientary