Vyrašajecca pytańnie ab departacyi ź Jehipta 68-hadovaj hramadzianki Biełarusi Hanny Łotyš, paviedamiŭ pres-sakratar biełaruskaha MZS Dźmitryj Mirončyk.
Pavodle jaho słoŭ, 20 lipienia jana była dastaŭlenaja ŭ palicejski ŭčastak u nasielenym punkcie Al-Aryš za 50 km ad pahraničnaha pierachoda «Rafach». Mirončyk adznačyŭ, što Łotyš była zatrymanaja na miažy Jehipta za parušeńnie pašpartna-vizavaha režymu i niezakonnaje pierasiačeńnie miažy. «My ciapier pracujem nad tym, kab heta (departacyja) adbyłosia jak maha chutčej», — skazaŭ jon.
17 lipienia Łotyš vyjechała ź siektara Haza, dzie prachodzić izrailskaja apieracyja, u Jehipiet ź vialikaj hrupaj rasijan i ŭkraincaŭ. Paśla čaho svajaki stracili ź joju suviaź.
Dačka žančyny Vijaleta Abu-Nasar, jakaja zastałasia ŭ paleścinskim ankłavie, paviedamiła, što jaje maci Hanna Łotyš u svoj čas trapiła ŭ siektar Haza nielehalna — pa padziemnych kantrabandysckich tunelach. Jana padazraje, što hetaja akaličnaść pry adsutnaści patrebnych štampaŭ u pašparcie mahła pry vyjeździe stać padstavaj dla zatrymańnia žančyny jehipieckimi pamiežnikami i nastupnaj departacyi.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary