Ja nia viedaju, što takoje «pravilny kamunizm», jaki byccam byŭ skažony roznymi akaličnaściami.
Ja nia viedaju, što takoje «pravilny kamunizm», jaki byccam byŭ skažony roznymi akaličnaściami. Vy taksama nia viedajecie, što takoje pravilny kamunizm. Hetaha, badaj, nia viedaje nichto. I dla dziasiatkaŭ, a mo i sotni miljonaŭ achviaraŭ hetaha ładu, jakich niščyli ŭ imia kamunizmu, absalutna abyjakava, u imia jakoha kamunizmu — «pravilnaha» ci «devijantnaha» — ich pakłali na płachu. My majem kankretnuju prajavu hienacydnaha kamunizmu ź niesamavitaj idejaj suśvietnaha panavańnia, my majem kankretnych paśladoŭnikaŭ toj ža idei, i chto moža pierakanać nas — i čym?! — što heta «pravilnyja» paśladoŭniki «pravilnaha kamunizmu»?
Biełaruski režym uvieś zachras u tatalitarna‑kamunistyčnym minułym. Restaŭracyja kamunistyčnych paradkaŭ — jahonaja meta.
Pakul žudasnyja złačynstvy kamunizmu i kamunistaŭ nia buduć asudžanyja naležnym čynam, jany błudliva buduć spasyłacca na prezumpcyju nievinavataści i apelavać da niaisnaha verdyktu sudu, chacia sami kamunisty i kamunizm podła admaŭlali svaim achviaram i prezumpcyju, i sud, i navat prava abarony. Jany dziejničali jak bandyty.
Što ž tyčycca taptańnia hazety «Tovariŝ», to heta paprostu performans. Sama hazeta narmalovaja levaja, ale, jak kažuć, bjuć pa mordzie, a nie pa pašparcie. Tamu nia varta imitavać histeryku i patrabavać niejkaha maralnaha sudu nad performanśnikami. Nichto nie pieraškadžaje kalakincam, raz jany takija rachmanyja, skinuć zaplamleny chiton «kamunizmu» i stać jakoj‑niebudź «levaj partyjaj u ramkach zakonnaści».
Antykamunistyčny forum kaštoŭny ŭžo tym, što pryciahvaje hramadzkuju dumku da niavyrašanaj prablemy našaj ciapierščyny‑minuŭščyny.
Jak ilustracyju da napisanaha vyšej dadam, što 29.10.2007 pa škołach Śvietłahorskaha rajonu byŭ razasłany «Rabočy plan pa padrychtoŭcy i praviadzieńni mierapryjemstvaŭ, pryśviečanych 90‑hodździu Kastryčnickaj Sacyjalistyčnaj revalucyi va ŭstanovach adukacyi Śvietłahorskaha rajonu» z 14 punktaŭ. Čysta kamunistyčnaja papierčyna.
Plan hruntujecca na planie Homielskaha abłvykankamu.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary