Zabarona na prodaž piva ŭ tary bolš za 2 ł ustupaje ŭ siłu ŭ Biełarusi z 22 lipienia. Heta praduhledžana pastanovaj Savieta Ministraŭ № 367 ad 18 krasavika 2014 hoda.
Zhodna z dakumientam, ź siońniašniaha dnia zabaraniajecca razdrobny handal pivam i słabaałkaholnymi napojami z abjomnaj dolaj etyłavaha śpirtu nie bolš za 7% u palimiernaj spažyvieckaj ŭpakoŭcy naminalnym abjomam bolš za 2 ł. Pry hetym jurydyčnyja asoby i indyvidualnyja pradprymalniki, jakija nie paśpieli realizavać dadzienuju pradukcyju, mohuć pradavać jaje da zakančeńnia terminu prydatnaści.
Akramia zabarony na prodaž piva ŭ tary bolš za 2 ł, pastanova taksama źmiaščaje pieralik miescaŭ, u jakich nie moža ažyćciaŭlacca razdrobny handal pivam i słabaałkaholnymi napojami z abjomnaj dolaj etyłavaha śpirtu nie bolš za 7%. Heta handlovyja abjekty i abjekty hramadskaha charčavańnia, jakija znachodziacca ŭ pamiaškańniach, dzie raźmieščany ŭstanovy adukacyi, arhanizacyi achovy zdaroŭja (za vyklučeńniem śpiecyjalna praduhledžanych pamiaškańniaŭ u sanatoryjach dla darosłych, sanatoryjach dla darosłych i dziaciej), dziciačyja teatralna-vidoviščnyja i kulturna-aśvietnyja ŭstanovy.
Zabarona tyčycca i prodažu dadzienaj pradukcyi ŭ budynkach vytvorčych arhanizacyj i na abjektach budaŭnictva, u fizkulturna-spartyŭnych zbudavańniach i na ich terytoryjach, za vyklučeńniem stacyjanarnych abjektaŭ hramadskaha charčavańnia, u budynkach, u jakich raźmieščany dziaržaŭnyja orhany (za vyklučeńniem stacyjanarnych abjektaŭ hramadskaha charčavańnia), na aŭtazapravačnych stancyjach, jakija nie majuć abstalavanych abjektaŭ hramadskaha charčavańnia i (abo) mahazinaŭ z uvachodam dla pakupnikoŭ.
Akramia taho, razdrobny handal pivam i słabaałkaholnymi napojami z abjomnaj dolaj etyłavaha śpirtu nie bolš za 7% zabaronienaja ŭ dyjetyčnych stałovych i dziciačych kaviarniach; ź pierasoŭnych srodkaŭ raznosnaha handlu; z vykarystańniem elektronnych pryład; z prymianieńniem internet-technałohij, a taksama ŭ handlovych abjektach i ŭ časavy pieryjad, što vyznačajucca abłvykankamami, Minskim harvykankamam zychodziačy z asablivaściej raźvićcia adpaviednych administracyjna-terytaryjalnych adzinak.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary