Francyja pieradaść Rasii adzin «Mistral», a dalej budzie hladzieć na jaje pavodziny
Francyja vykanaje svaje abaviazacielstvy adnosna budaŭnictva pieršaha vajennaha karabla typu «Mistral» dla Rasii, bo Maskva ŭžo zapłaciła pa hetym kantrakcie.
Z zajavaj takoha źmiestu vystupiŭ prezident Francyi Fransua Ałand, paviedamlaje «Radyjo Svaboda» sa spasyłkaj na ahienctva France-Presse.
Pavodle francuzskaha lidera, u advarotnym vypadku štrafnyja sankcyi skłali b 1,1 miljarda jeŭra.
«Pahadnieńnie było zaklučanaje ŭ 2011 hodzie, karabiel amal hatovy i pavinien być pieradadzieny ŭ kastryčniku», — skazaŭ Ałand.
Praciah pracy nad druhim karablom kłasa «Mistral» prezident Francyi źviazaŭ z pazicyjaj Maskvy va ŭkrainskim kryzisie.
«Pahladzim, ci budzie pavodzić siabie Rasija drenna», — skazaŭ Ałand.
Zachodnija partniory Francyi zaklikajuć Paryž admovicca ad pastavak «Mistralaŭ» u Rasiju. ZŠA i sajuźniki śćviardžajuć, što pradastaŭleńnie Maskvie vysakajakasnaj zbroi zaraz niedarečna.
Viertolotanoscy «Mistral» źjaŭlajucca zbrojaj aktyŭnaha napadu.
Jany dajuć mahčymaść vysadzić bataljon marskoj piachoty i bronietechniku na bierah na adlehłaści da 10 tysiač kiłamietraŭ ad porta prypiski biez dazapraŭki.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary