Premjer Aŭstralii: Na miescy krušeńnia «Boinha» falsifikujuć dokazy
Premjer-ministr Aŭstralii Toni Ebat zajaviŭ, što na miescy padzieńnia małazijskaha Boinha-777 ŭ Danieckaj vobłaści ŭ vialikich maštabach padtasoŭvajuć dokazy.
«My nazirajem falsifikacyju dokazaŭ u pramysłovych maštabach, i hetamu treba pakłaści kaniec», — cytuje premjera aŭstralijski telekanał «Ej-Bi-Si» (ABC).
Aŭstralijski premjer padkreśliŭ, što na miescy krušeńnia pavinna być zabiaśpiečana biaśpieka, i vitaŭ adnahałosnaje pryniaćcie ŭ Saviecie biaśpieki AAN rezalucyi adnosna avijakatastrofy. Nahadajem, rezalucyja zaklikaje pradastavić śpiecyjalistam bieśpieraškodny dostup da miesca krušeńnia samalota.
Aŭstralijski premjer taksama abviaściŭ ab zapusku apieracyi pa viartańni na radzimu ciełaŭ zahinułych u katastrofie aŭstralijcaŭ i ich identyfikacyi. Pavodle jaho słoŭ, apieracyju budzie kaardynavać va Ukrainie były ministr abarony Anhus Chjustan.
U aŭtorak u Niderłandy prybudzie aŭstralijski vajenny transpartny samalot dla transparciroŭki ciełaŭ achviar u Aŭstraliju.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary