Rasija prapanavała Biełarusi raźmiaścić u siabie vytvorčaść niekalkich tysiač najmieńniaŭ pradukcyi dla APK z-za kanfliktu va Ukrainie, zajaviŭ pasoł RF u Biełarusi Alaksandr Surykaŭ žurnalistam u čaćvier.
«My prapanavali Biełarusi vialikuju kolkaść. Niekalki tysiač najmieńniaŭ kamplektujučych prapanavana razhledzieć biełaruskamu kamitetu pa vajskovaj pramysłovaści», - skazaŭ Surykaŭ.
«Prapanavana ich asvoić», — rastłumačyŭ jon.
«I my nie vyklučajem, što zahruzka Baranavickaha, Aršanskaha avijacyjnych zavodaŭ pavialičycca z-za hetaha ŭskładnieńnia (z Ukrainaj)», — skazaŭ pasoł.
Rasijskija pradpryjemstvy abaronki aktyŭna supracoŭničali z ukrainskimi vytvorcami. Apošnija, u pryvatnaści, vypuskali ruchaviki viertalotaŭ i hazaturbinnyja ŭstanoŭki dla karabloŭ.
U siaredzinie červienia prezident Ukrainy Piatro Parašenka, vystupajučy na pasiadžeńni Savieta nacyjanalnaj biaśpieki i abarony, zabaraniŭ luboje vajskova-techničnaje supracoŭnictva z Rasijaj.