Fota Reuters.
Praz tydzień paśla trahiedyi pradstaŭnik Arhanizacyi pa biaśpiecy i supracoŭnictvu ŭ Jeŭropie (ABSIE) Majkł Bociurkiŭ paviedamiŭ pra novuju znachodku.
Heta častka fiuzielaža i korpusa ź iluminatarami.
«Heta amal ź niadkul źjaviłasia, tamu što nie było nijakich prykmiet, jakija pakazvali na padzieńnie: ni złamanych halinak, ničoha, kab pakazvała, što kavałak fiuzielaža upaŭ tam», — skazaŭ jon.
Ekśpierty adznačyli biełym ściažkom heta miesca, pakolki nie mieli adpaviednaha abstalavańnia, kab vyciahnuć cieły z-pad abłomkaŭ.
Akramia taho, u hetaj častcy samalota byli znojdzienyja asabistyja rečy členaŭ ekipaža.
Pavodle pradstaŭnika ABSIE, hetaja znachodka śviedčyć ab nieabchodnaści praviadzieńnia bolš dbajnaha ahladu miesca padzieńnia samalota.
Ale namahańni śledčych ŭskładniajecca bajavymi dziejańniami, jakija adbyvajucca na Danietčynie.
Nahadajem, na miescy avaryi było znojdziena 282 cieła i 87 frahmientaŭ, jakija naležać 16 ciełam zahinułych. Cieły pieravieźli ŭ Charkaŭ i pastupova dastaŭlajuć u Niderłandy.
