Na trasie M3 pad Minskam dziaŭčyna na kabryjalecie Jaguar vylecieła na sustrečnuju i prataraniła dva aŭtamabili
«Na Minsk — Viciebsk niejki žorstki zamies: kabryk raźbity, mikraaŭtobus na sustrečcy na baku, jašče mašynu začapiła. Chutkija stajać i DAI mieraje», — paviedamiŭ karystalnik Viktar.
Jak raspaviali ŭ DAI Minskaha rajona, u vyniku sutyknieńnia troch mašyn uviečary 27 lipienia na 16 km trasy M3 Minsk — Viciebsk kala vioski Baraŭlany Minskaha rajona paciarpieła pasažyrka adnaho z «nievinavatych» aŭtamabilaŭ.
«22-hadovaja dziaŭčyna — kiroŭca kabryjaleta Jaguar, jaki ruchaŭsia ŭ bok Viciebska, nie spraviłasia z kiravańniem i vyjechała na pałasu sustrečnaha ruchu. Tam jana sutyknułasia z sustrečnym VW Passat, jakim kiravaŭ 43-hadovy mužčyny, a zatym — ź mikraaŭtobusam Ford Transit, za rulom byŭ 45-hadovy kiroŭca.
Ad udaru mikraaŭtobus pierakuliŭsia na prajeznaj častcy. Traŭmy ŭ avaryi atrymała 40-hadovaja pasažyrka Volkswagen, žančyna špitalizavanaja. Na ščaście, usie ŭdzielniki hetaha DTZ byli pryšpilenyja.
Nakolki viadoma, vinavataja avaryi była ćviarozaja.
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary