Lvoŭskaja miechanizavanaja bryhada ŭkrainskaj armii №24 prosić vyšejšaje vajennaje kiraŭnictva krainy vyrašyć pytańnie pa debłakavańni svajoj častki, zabłakavanaj bajevikami-terarystami ŭ Łuhanskaj vobłaści.
Ab hetym karespandentu UNIAN paviedamiŭ kiraŭnik hramadskaj arhanizacyi — Hramadzianskaja inicyjatyva «Prava sprava» Dźmitryj Śniehiroŭ.
Pavodle jaho słoŭ, hetuju infarmacyju jamu pieradali sami vajskoŭcy častki.
«Vajskoŭcy 24-j bryhady, jakija bazujucca kala Dałžanskaha ŭ Łuhanskaj vobłaści, vyjšli na suviaź. Jany paviedamlajuć, što situacyja ŭ častcy, zabłakavanaj bajevikami, zastajecca vielmi składanaj.
Terarysty viaduć pastajanny abstreł «Hradam», praktyčna źniščana ŭsia ciažkaja technika ŭ častcy.
Ab pavieličeńni intensiŭnaści abstrełu kaža toj fakt, što 26 lipienia było vypuščana bajevikami 100 snaradaŭ, a ŭžo ŭčora, 27 lipienia, na terytoryju dysłakacyi častki patrapili 250 snaradaŭ», — patłumačyŭ Śniehiroŭ.
Jon padkreśliŭ, što vajennyja 24-j bryhady «prosiać vyšejšaje vajennaje kiraŭnictva Ukrainy vyrašyć pytańnie pa debłakavańni častki». Vajskoŭcy pavinny atrymać zahad albo iści na praryŭ na złučeńnie sa svaimi susiedziami 72-j i 79-j bryhadami, albo adychodzić u bok Rasii.
Ale Śniehiroŭ adznačyŭ, što vajennyja 24-bryhady nie chacieli b adychodzić u bok Rasii, kab ich nie abvinavacili ŭ zdradzie.
«Vajennyja kažuć, što zdradnikami jany nie buduć, ale i harmatnym miasam być nie chočuć, kali siońnia ich bryhadu terarysty rasstrelvajuć, jak u ciry», — padsumavaŭ aktyvist.
