Vyznačylisia supierniki zbornaj Biełarusi ŭ adboračnym turniry da futbolnaha čempijanatu śvietu. Nam trapiłasia ci nia samaja mocnaja hrupa. Treniery zbornaj Biełarusi i Charvatyi: My trapili ŭ samuju mocnuju hrupu.
Siońnia ŭ Durbanie prajšło losavańnie adboračnych hrup da čempijanatu śvietu pa futbole, što projdzie ŭ 2010 h. u Paŭdniova-afrykanskaj respublicy.
Zbornaja Biełarusi była pasiejana ŭ čaćviertym košyku. Jaje supiernikami pa šostaj adboračnaj hrupie stanuć: Charvatyja (1-y košyk), Anhlija (2-hi), Ukrajina (4-y), Kazachstan (5-y), Andora (6-ty).
Hulni projduć u 2008—2009 hadach. Z kožnym supiernikam biełarusy zhulajuć doma i ŭ haściach. Na čempijanat śvietu vychodzić kamanda, jakaja zojmie 1-je miesca, kamanda, jakaja zojmie druhoje miesca, praviadzie stykavy matč.
Što susiedzi? 3-ja hrupa. Polšča zhulaje z Čechijaj, Paŭnočnaj Irlandyjaj, Słavakijaj, Słavienijaj, Can-Maryna.
4-ja hrupa. Rasieja trapiła ŭ adnu hrupu ź Niamieččynaj, Finlandyjaj, Uelsam, Azerbajdžanam, Lichtenštejnam.
7-ja hrupa. Litva zhulaje z Francyjaj, Rumynijaj, Sierbijaj, Aŭstryjaj, Farerami.
***
Pa vynikach losavańnia hałoŭny trenier biełaruskaj zbornaj Bernd Štanhie zajaviŭ: "My ŭžo zrazumieli, što pierad nami budzie niaprostaja zadača. Nam dastałasia mocnaja hrupa". "Biezumoŭna, Charvatyja i Anhlija buduć favarytami, ale i inšych nielha niedaaceńvać", -- cytuje słovy niamieckaha specyjalista Sport-Ekspriess sa spasyłkaj na Reuters.
Pra toje, što 6-ja adboračnaja hrupa - najmacniejšaja zajaviŭ i trenier zbornaj Charvatyi Słavien Bilič. Praŭda, bronzavy pryzior čempijanatu śvietu - 1998 miarkuje, što hałoŭnaja biada ŭ hrupie heta zbornaja Anhlii, "druhaja biada - Ukraina". Pra Biełaruś havorki nie viadziecca.
Nia ličyć surjoznaj prablemaj našu zbornuju i kiraŭnik Anhlijskaj futbolnaj asacyjacyi Brajan Barvik.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary