Maładyja mamy ź nieachvotaj viartajucca da luboščaŭ
U kožnaj dziesiataj žančyny ŭ Vialikabrytanii pierapynak u intymnych adnosinach paśla naradžeńnia dziciaci zaciahvajecca minimum na paŭhady.
U mnohich z takich žančyn pierapynak ŭ seksie zaciahvajecca i nadaŭžej. Čaściej za ŭsio jany pieražyli ekstranaje kiesarava siačeńnie, paškodžańni tkanak padčas rodaŭ abo chirurhičnaje ŭmiašańnie. Da takich vysnovaŭ pryjšli supracoŭniki Brytanskaj słužby kansultacyj pa ciažarnaści (British Pregnancy Advisory Service — BPAS) pa vynikach daśledavańnia z 1350 ŭdzielnicami.
Prykładna 85% maci, jakija naradžali samastojna, sutykalisia z razryvami padčas rodaŭ. Mienš za 20% z hetaj hrupy pačynali zajmacca seksam na praciahu 6 tydniaŭ paśla rodaŭ.
Na praciahu troch miesiacaŭ seks uznaŭlali 60%, praz 6 miesiacaŭ — 90% i 3% — tolki praz hod.
Pry hetym prykładna kožny piaty mužčyna ustrymlivaŭsia ad seksu bolš za try miesiacy, častkova z-za aściaroh za zdaroŭje partniorki.
Paślarodavy termin ŭstrymańnia staŭ našmat daŭžej, čym u papiarednich pakaleńniaŭ.
Jak śviedčyć statystyka 70-ch, mnohija žančyny pačynali zajmacca seksam užo praz 2—4 tydni paśla rodaŭ. Ciapier ža žančyny zaciahvajuć adnaŭleńnie połavaha žyćcia.
Stomlenaść, bol, pieražyvańni z nahody źniešnaści — asnoŭnyja pryčyny admovy maładych mam ad seksu.
Brytanskija śpiecyjalisty rajać nie zabyvać pra kantracepcyju i źviartajuć uvahu: ryzyka ciažarnaści padčas seksu adrazu paśla rodaŭ značna pavyšajecca. Vielmi časta žančyny niečakana dla siabie ciažarajuć ŭ pieršy hod paśla rodaŭ, nahadvajuć u BPAS.
Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva4
Kamientary