Pradstaŭniki racijskaj FSVP i prakuratury paprasili Zamaskvarecki sud Maskvy źmianić mieru strymańnia Alaksieju Navalnamu z chatniaha aryštu na ŭtrymańnie pad vartaj. Pra heta ŭ piatnicu, 1 žniŭnia, paviedamiŭ u svaim tvitary z zały suda fotakarespandent «Novoj Haziety» Jaŭhien Fieldman.
Pavodle jaho słoŭ, mieru strymańnia prosiać źmianić z-za parušeńni Navalnym umovaŭ chatniaha aryštu.
Zamaskvarecki sud pravodzić papiarednija słuchańni pa spravie «Iŭ Raše» suprać Navalnaha i jaho brata Aleha. Pasiadžeńnie prachodzić u zakrytym režymie.
U kancy krasavika chatni aryšt Navalnaha praciahnuli na paŭhoda. Aleh Navalny znachodzicca pad padpiskaj ab niavyjeździe
Alaksiej Navalny i jaho brat Aleh abvinavačvajucca ŭ kradziažy zvyš 26 miljonaŭ rasijskich rubloŭ u «Iŭ Raše» i bolš za čatyry miljony rubloŭ u firmy «Šmatprofilnaja pracesinhavaja kampanija».
U błohu Navalnaha raniej źjaviłasia infarmacyja ab tym, što «Iŭ Raše» paviedamiła śledstvu ab adsutnaści ŭronu ŭ vyniku supracoŭnictva z TAA «Hałoŭpadpiska» z 2008 pa 2012 hady. Pavodle abvinavačańnia, na rachunki hetaj firmy Navalny i jaho brat Aleh z 2008 pa 2011 hady pieraličyli vykradzienyja ŭ francuzskaj kampanii srodki.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary