 vuł. Padhornaja (ciapier K. Marksa) |
Alei, fantany, łaŭki, kramy, suvenirnyja kramki, kaviarni — takoj bačać architektary vulicu Karła Marksa ŭ niedalokaj budučyni. Jejny adcinak ad vulicy Vaładarskaha da vulicy Lenina budzie zakryty dla mašyn. tut raźmieścicca zona adpačynku i zabavak.
— Vybar spyniŭsia mienavita na hetaj vulicy nie vypadkova, — kaža načalnik architekturna‑kanstruktarskaj majsterni 4 UP «Minskprajekt» Michaił Rybnikaŭ. — Sprava ŭ tym, što vulica Karła Marksa źviavaje čyhunačny vakzał i centar horadu. I da taho ž, jana vyłučajecca cudoŭnaj architekturaj. Heta budzie cudoŭnaje miesca dla adpačynku mienčukoŭ.
Całkam vulicu nie pierabudujuć. Architektary planujuć tolki adrestaŭravać budynki. Na pieršych pavierchach damoŭ raźmieściacca kaviarni, kramy, a nia ofisy
Badaj, samaj hrandyjoznaj častkaj pierabudovy stanie źjaŭleńnie na vulicy Karła Marksa… šklanoha pasažu. Jon złučyć dom №17
i novy budynak, jaki pabudujuć na miescy haražoŭ. Abodva damy aformiać u styli 50‑ch hadoŭ. Usiaredzinie pasažu raźmieściacca restaracyi, kaviarni, kramy. Ale i heta jašče nia ŭsio. Z adnaho boku pasaž budzie vychodzić na vulicu Karła Marksa, z druhoha — ŭva dvor domu №14 na praspekcie Niezaležnaści. Adtul da hałoŭnaj mahistrali horadu projdzie brukavanaja daržka. Takim čynam, źjavicca novy šlach z praspektu na vulicu Karła Marksa.
