«Mnie pavinna tolki pryjści z sudu papierka, dzie budzie paviedamlena data sudovaha pracesu, pakul ja jaje nie atrymała», — kaža H.Rybałka. Siońnia ci najbližejšymi dniami advakatka naviedaje Artura ŭ śledčym izalatary.
Fińkieviča źmiaścili ŭ śledčy izalatar 26 kastryčnika. U dačynieńni da jaho zaviali kryminalnuju spravu pa art. 415 KK RB «Admova ad adbyvańnia pakarańnia ŭ vyhladzie abmiežavańnia voli». Pavodle hetaha artykułu Arturu moža pahražać ad paŭhodu da troch hadoŭ źniavoleńnia. Da hetaha chłopiec adbyvaŭ dvuchhadovaje abmiežavańnie voli ŭ mahiloŭskaj speckamendatury za palityčnyja hrafici, zroblenyja napiaredadni apošnich prezydenckich vybaraŭ.