Alaksandra Siarhiejčyka vinavacili ŭ ździajśnieńni šmatlikich ciažkich i asabliva ciažkich złačynstvaŭ u peryjad z 1992 da 2006 hadoŭ.
Byłoha kamandzira roty Haradzienskaha rajonnaha adździełu departamentu achovy MUS Alaksandra Siarhiejčyka Viarchoŭny sud prysudziŭ da vyšejšaj miery pakarańnia.
Pavodle infarmacyi «Komsomolskoj pravdy» v Biełoruśsii», kolki dzion tamu prysud u dačynieńni A. Siarhiejčyka byŭ vykanany.
Alaksandra Siarhiejčyka vinavacili ŭ ździajśnieńni šmatlikich ciažkich i asabliva ciažkich złačynstvaŭ u peryjad z 1992 pa 2006 hh. Naprykancy traŭnia Viarchoŭny sud pryznaŭ jaho vinavatym u ździajśnieńni šaści zabojstvaŭ z asablivaj žorstkaściu, zhvałtavańniach, kradziažach majomaści i ahniastrelnaj zbroi, zachoŭvańni i pieravozcy zbroi i h.d. Biazdokaznymi zastalisia jašče piać zabojstvaŭ, u jakich vinavacili byłoha milicyjanta.
Hučnaja sprava paciahnuła za saboj zvalnieńnie prakurora Haradzienskaj vobłaści, jaho namieśnika i prakurora adnaho z rajonaŭ Horadni. Pavodle hienprakurora Biełarusi Piatra Mikłaševiča, adstaŭki byli vyklikanyja parušeńniami ŭ časie śledztva pa spravie Siarhiejčyka. Jak vynikaje z žurnalisckaha raśśledvańnia, zładžanaha «Hrodzienskaj praŭdaj», zatrymać złačyncu mahli našmat raniej, što b zachavała žyćcio jahonym achviaram. Tym nia mienš, A. Siarhiejčyk praciahvaŭ pracavać u milicyi, uzdymaŭsia pa słužbovaj leśvicy, skončyŭ Akademiju MUS. Varta adznačyć, što na sud nad «haradzienskim čykaciłam» nie źjaviŭsia nivodny supracoŭnik milicyi, a aficyjnaha prabačeńnia haradziency dačakalisia tolki ad ministra MUS Uładzimiera Navumava.
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary