U Daniecku padčas abstrełu terarystaŭ byŭ paškodžany chram Pakrova Praśviatoj Baharodzicy — kafiedralny sabor Ukrainskaj Hreka-katalickaj Carkvy.
Jak paviedamlaje Relihijna-infarmacyjnaja słužba Ukrainy, incydent adbyŭsia siońnia ŭ hadzinu dnia.
Miascovyja hreka-kataliki paviedamili, što snarad trapiŭ na carkoŭny dvor, u vyniku vybuchu paškodžanyja varoty. Udarnaj chvalaj taksama pavybivała šyby ŭ administracyjnym pamiaškańni chrama. Na ščaście, abyšłosia biez achviar — na momant artabstrełu ludziej na terytoryi sabora nie było.
Sabor pabudavany ŭ 2003 hodzie. U žniŭni taho ž hoda sabor aśviaciŭ tahačasny patryjarch Lubamir (Huzar) u prysutnaści vaśmi biskupaŭ, vialikaj kolkaści śviataroŭ i ludziej nieduchoŭnaha zvańnia roznych kutkoŭ Ukrainy.
Kamientary