Na terytoryi Pskoŭskaj vobłaści z 11 pa 16 žniŭnia projdzie dvuchetapnaje dyvizijnaje kamandna-štabnoje vučeńnie 76-j hvardziejskaj Čarnihaŭskaj desantna-šturmavoj dyvizii z desantavańniem na nieznajomaj miascovaści i praviadzieńniem etapu bajavoj stralby.
Maštabnaje vučeńnie pavietrana-desantnych vojskaŭ (PDV) z udziełam troch tysiač vajskoŭcaŭ startuje ŭ paniadziełak u Pskoŭskaj vobłaści, paviedamiła žurnalistam pradstaŭnik upraŭleńnia pres-słužby i infarmacyi Minabarony RF pa PDV major Iryna Kruhłova.
Pavodle jaje słoŭ, na nieznajomuju miascovaść desantujucca try tysiačy čałaviek. Samaloty Ił-76 skinuć z pavietra 12 abjektaŭ vajennaj techniki.
«Dla naniasieńnia pavietranaha ŭdaru pa naziemnych metach umoŭnaha praciŭnika, pierakidu i padtrymki praktyčnych dziejańniaŭ desantnikaŭ z pavietra ŭ vučeńniach budzie zadziejničana bolš za 30 samalotaŭ i viertalotaŭ vajenna-transpartnaj, frantavoj i vajskovaj avijacyi Su-34, Ka-52, Mi-28, Mi- 24 Mi-8, Ił-76», — dadała jana.
Aktyŭnaja faza vučeńniaŭ projdzie 14—15 žniŭnia, padčas jakoj budzie praviedziena adpracoŭka praktyčnych dziejańniaŭ pa zachopu i źniščeńni stratehična važnych abjektaŭ umoŭnaha praciŭnika. Zavieršycca vučeńnie etapam bajavoj stralby, jaki budzie prachodzić jak dniom, tak i nočču.
Jak udakładniła Kruhłova, stralba budzie pravodzicca z usich vidaŭ štatnaj zbroi, jakaja jość na ŭzbrajeńni desantna-šturmavoha złučeńnia, uklučajučy bajavyja raźliki artyleryi 2S-25 «Sprut», 2S-9 «Nona», D-30 i srodki SPA ZRK «Strała-10 «, PZRK «Ihła».
Kamientary