Zaŭtra ŭ palitviaźnia Mikałaja Statkieviča — dzień naradžeńnia: pavinšuj jaho telehramaj
U aŭtorak, 12 žniŭnia, palitviaźniu, eks-kandydatu na pasadu prezidenta Mikałaju Statkieviču spaŭniajecca 58 hadoŭ.
Jaho možna pavinšavać, patelefanavaŭšy z haradskoha na numar 166 i pradyktavaŭšy adras: 212011, Mahiloŭ, vuł. Krupskaj, 99a, turma № 4, Statkieviču Mikałaju Viktaraviču.
Statkievič — adziny kandydat u prezidenty na vybarach 2010 hoda, da hetaha času znachodzicca ŭ źniavoleńni (pravioŭ za kratami bolš za try z pałovaj hady).
U mai 2011 hoda sud Leninskaha rajona Minska prysudziŭ Statkieviča da šaści hadoŭ pazbaŭleńnia voli pa abvinavačvańni ŭ arhanizacyi masavych biesparadkaŭ 19 śniežnia. U studzieni 2012 hoda jamu zrabili bolš žorstkimi ŭmovy adbyćcia pakarańnia.
Łukašenka nieadnarazova zajaŭlaŭ, što jaho palityčnyja apanienty, jakija znachodziacca ŭ źniavoleńni, mohuć być vyzvalenyja pry ŭmovie, kali napišuć prašeńnie ab pamiłavańni. Statkievič pastajanna admaŭlajecca heta rabić.
Kamientary