Śledčy kamitet praciahvaje rasśledavańnie kryminalnaj spravy ŭ dačynieńni da słužbovych asob adkrytaha akcyjaniernaha tavarystva «Naftan», paviedamiła ŭ svaim Fejsbuku aficyjny pradstaŭnik SK Julija Hančarova.
«Ustanoŭlena, što słužbovyja asoby pradpryjemstva, dziejničajučy hrupaj asob pavodle papiaredniaj zmovy z pradstaŭnikami kamiercyjnych struktur, naŭmysna, nasupierak intaresam słužby ździejśnili dziejańni z vykarystańniem svaich słužbovych paŭnamoctvaŭ, jakija paciahnuli pryčynieńnie istotnaj škody dziaržaŭnym intaresam i ciažkija nastupstvy ŭ vyhladzie ŭronu pradpryjemstvu ŭ asabliva bujnym pamiery. Heta źviazana z pracedurami zakupak i vykanańnia kantraktaŭ pradpryjemstva», — havorycca ŭ paviedamleńni.
U ciapierašni čas pad vartaj znachodzicca šeść čałaviek. Try słužbovyja asoby pradpryjemstva, uklučajučy namieśnika hienieralnaha dyrektara AAT «Naftan», i try pradstaŭniki subjektaŭ haspadarańnia pryvatnaj formy ŭłasnaści.
Naniesienaja pradpryjemstva škoda składaje kala čatyroch miljardaŭ rubloŭ.
Usim padazravanym pradjaŭlenyja abvinavačvańni. Častka ź ich užo pačali davać pakazańni ab svajoj supraćpraŭnaj dziejnaści i vykazali hatoŭnaść kampiensavać pryčynienuju škodu. Dziejańni słužbovych asob kvalifikavanyja śledstvam pa č. 3 art. 424 (Złoŭžyvańnie słužbovym paŭnamoctvami) kryminalnaha kodeksu Respubliki Biełaruś, dziejańni pradstaŭnikoŭ kamiercyjnych struktur - pa č. 6 art. 16 h. 3 art. 424 (dapamahańnie ŭ złoŭžyvańni słužbovym paŭnamoctvami) kryminalnaha kodeksu Respubliki Biełaruś.
Na majomaść abvinavačanych śledčymi nakładzieny aryšt.
U chodzie pieratrusaŭ kanfiskavana bolš za paŭmiljona dalaraŭ ZŠA, aryštavana siem darahich aŭtamabilaŭ biźnies-kłasa, a taksama juvielirnyja vyraby.
Kamientary