U lipieni indeks spažyvieckich cen na tavary i pasłuhi ŭ Biełarusi vyras u paraŭnańni z červieniem na 0,9% i na 11,1% — u paraŭnańni sa śniežniem 2013 hoda, paviedamlaje pres-słužba Nacyjanalnaha statystyčnaha kamiteta.
Ceny na charčovyja tavary ŭ lipieni ŭ paraŭnańni z červieniem vyraśli na 0,9%, z pačatku hoda — na 14,8%. Najbolš istotna padaraželi: jajki — na 11,1%, cukar — na 9,1%, ałkaholnyja napoi — na 2,9%, harbata — na 2,2%, kaŭbasnyja vyraby i vendžanina — na 1,8%, krupy i babovyja — na 1,1%.
Źnizilisia ceny na masła — na 0,5%, bulbu — na 11,2% i aharodninu — na 11,7%.
Ceny na niecharčovyja tavary ŭ lipieni ŭ paraŭnańni z červieniem pavialičylisia na 1%, z pačatku hoda — na 3,6%. Bolš za ŭsio ŭ lipieni padaraželi: bienzin — na 5,5%, piśmovyja pryłady — na 3,5%, miedykamienty — na 2,5%, sintetyčnyja myjnyja srodki — na 1%.
Źnizilisia ceny na abutak — na 0,2%, viełasipiedy i matacykły — na 0,3%.
Ceny i taryfy na płatnyja pasłuhi za miesiac pavysilisia na 0,6%, z pačatku hoda — na 16,5%. Bolš za inšyja padaraželi: sanatorna-azdaraŭlenčyja pasłuhi — na 3,7%, čyhunačnych mižnarodnych znosinaŭ — na 3,4%, bytavyja — na 1,5%, miedycynskija — na 1,3%, turystyčnyja — na 1,2%. Źnizilisia taryfy na vodazabieśpiačeńnie — na 0,05% i pasłuhi pavietranaha transpartu — na 0,1%.
Nahadajem, zhodna z aficyjnym prahnozam inflacyja pa vynikach 2014 hoda pavinna skłaści 11%, adnak urad papiaredžvaŭ, što hety pakazčyk moža być pierahledžany ŭ horšy bok.
«Raniej na 2014 hod inflacyja prahnazavałasia na ŭzroŭni 11%, ale ciapier praličvajem, što jana budzie bolšaj — dzieści 16-17%», — zajaŭlała ŭ krasaviku staršynia praŭleńnia Nacbanka Nadzieja Jermakova.
Zhodna z prahnozam Suśvietnaha banka, inflacyi pa vynikach 2014 hoda ŭ Biełarusi pieravysić 16%. Asabliva kali adbudziecca zapłanavanaje pavyšeńnie taryfaŭ na kamunalnyja pasłuhi i praciahniecca karekciroŭka abmiennaha kursu, adznačali ekśpierty SB.
U 2013 hodzie inflacyja ŭ Biełarusi skłała 16,5%, a ŭ 2015-m, pavodle papiarednich prahnozaŭ, spažyvieckija ceny vyrastuć na 12,5%. Taki prahnoz, pavodle infarmacyi BiełaPAN, urad prapanoŭvaje vyznačyć u jakaści metavaha.
Kamientary