U Biełarusi ŭžo padrychtavana 1600 chaŭs-majstroŭ — śpiecyjalistaŭ pa kompleksnym absłuhoŭvańni i ekspłuatacyi šmatkvaternych žyłych damoŭ, paviedamiŭ na pres-kanfierencyi 12 žniŭnia ŭ Minsku ministr žyllova-kamunalnaj haspadarki Andrej Šorac.
Pavodle jaho słoŭ, takija śpiecyjalisty mohuć vykonvać pracu elektryka, ślesara-santechnika, malara i cieślara. 66% majstroŭ pracuje ŭ Minsku.
«My daŭno hetuju pracu pravodzili i pierakanalisia, što, navučyŭšy śpiecyjalista i zamacavaŭšy jaho za hrupaj damoŭ, majem dobry efiekt. Ludzi viedajuć, što za majstar vykonvaje ŭsie raboty, i hetym palapšajecca jakaść absłuhoŭvańnia žyłoha fondu. Bolš taho, pavialičvajecca zarpłata śpiecyjalistaŭ i pa vynikach pieršaha hoda składaje 7,2-7,5 młn rubloŭ u miesiac. Ludzi trymajucca za svaju pracu, ludzi jaje lubiać, ciakučaść kadraŭ spyniłasia, žychary viedajuć hetych ludziej i źviartajucca da ich. Chaŭs-majstar zacikaŭleny vykonvać svaju pracu jakasna, tamu što jon razumieje, što nichto inšy nie pryjdzie i nie pierarobić rabotu», — skazaŭ kiraŭnik viedamstva.
