U Biełarusi nie zastałosia rajonaŭ, dzie ŭzrovień siaredniaj zarpłaty nie dasiahnuŭ 200 dalaraŭ u ekvivalencie. Pra heta zajaviŭ namieśnik premjer‑ministra Alaksand́r Kosiniec.
Alaksandar Kosiniec |
U Biełarusi nie zastałosia rajonaŭ, dzie ŭzrovień siaredniaj zarpłaty nie dasiahnuŭ 200 dołaraŭ u ekvivalencie. Pra heta zajaviŭ namieśnik premjer‑ministra Alaksandr Kosiniec, vystupajučy 28 listapada na sumiesnym pasiadžeńni Pałaty pradstaŭnikoŭ i Savieta Respubliki Nacyjanalnaha schodu Biełarusi.
Pavodle jaho słoŭ, siaredniaja zarpłata ŭ krainie za studzień—kastryčnik 2007 hoda vyrasła ŭ paraŭnańni z anałahičnym pieryjadam minułaha hoda na 18% i skłała pryblizna 688 tys. rubloŭ. U kastryčniku hety pakazčyk skłaŭ 738 tys. rubloŭ.
Jak zajaviŭ A.Kosiniec, u hetym hodzie ŭ śfiery pracy zabiaśpiečany ŭsie minimalnyja i sacyjalnyja harantyi. Tak, pavodle jaho słoŭ, za 10 miesiacaŭ hoda stvorana 96 tys. novych pracoŭnych miescaŭ, na pastajannuju pracu ŭładkavana bolš za 153 tys. čałaviek. Uzrovień biespracoŭja na siońnia składaje 1% ad ekanamična aktyŭnaha nasielnictva. «Nazirajecca źnižeńnie napružanaści na rynku pracoŭnaj siły ŭ małych haradach», — zaznačyŭ vice‑premjer.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary