U Biełarusi z 2008 hodu ŭvodzicca strachavańnie žyćcia kredytaatrymalnika.
U Biełarusi z 2008 hodu budzie strachavacca žyćcio i zdaroŭje pazyčalnika, jaki atrymlivaje ŭ banku karotkaterminovy kredyt. Pra heta paviedamiła siońnia na presavaj kanferencyi ŭ Miensku namieśnica hieneralnaha dyrektara BRUSP «Biełdziaržstrach» Julija Areščanka.
Novy vid strachavańnia dazvolić zaścierahčy daručnikaŭ kredytaatrymalnika na vypadak, kali toj pavodle jakich-niebudź pryčynaŭ nia zmoža vypłačvać kredyt. Julija Areščanka patłumačyła, što šmat jakija hramadzianie vystupajuć daručnikami dla svaich znajomcaŭ i svajakoŭ pry atrymańni imi kredytu ŭ banku. U vypadku śmierci ci straty zdaroŭja pazyčalnika daručniki niasuć adkaznaść za viartańnie kredytu. Kab źmiakčyć hetuju adkaznaść, i miarkujecca strachavać žyćcio i zdaroŭje kredytaatrymalnika. Biełdziaržstrach taksama viadzie pieramovy z bankami pra skaračeńnie kolkaści daručnikaŭ da adnaho dla kredytaatrymalnikaŭ, jakija majuć strachavy polis.
U Biełarusi dziejničaje 89 vidaŭ dobraachvotnaha i 8 vidaŭ abaviazkovaha strachavańnia. Pry hetym udzielnaja vaha dobraachvotnaha strachavańnia ŭ ahulnaj sumie strachavych unioskaŭ składaje 40%.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym3
Kamientary