Kampanija Herbalife i futbolny kłub «BATE» abviaścili pra pačatak supracoŭnictva, u miežach jakoha płanujecca ŭzajemadziejańnie ekśpiertaŭ brenda Herbalife z trenierskim štabam i pradstaŭnikami miedycynskaj słužby kamandy pa intehracyi praduktaŭ Herbalife u racyjon charčavańnia hulcoŭ.
Kampanija Herbalife biare na siabie abaviazacielstva poŭnaściu zabiaśpiečyć patreby FK «BATE» ŭ katehoryjach śpiecyjalizavanaha/funkcyjanalnaha charčavańnia.
Jak paviedamlajecca ŭ pres-relizie kampanii, pavodle ŭmoŭ pahadnieńnia, łahatyp Herbalife budzie raźmieščany na śpinie hulniovaj formy asnoŭnaha składu «BATE» na matčach čempijanatu, kubka i supierkubka Respubliki Biełaruś pa futbole. Akramia hetaha, płanujecca sieryja rekłamnych aktyŭnaściaŭ. Suma kantrakta nie vydajecca.
«Biełaruś źjaŭlajecca stratehična važnym rynkam dla Herbalife, tamu my pryniali rašeńnie ab raźvićci prahramy spartyŭnaha partniorstva ź viadučym futbolnym kłubam krainy, — paviedamiŭ Styvien Končy, vice-prezident Herbalife u Rasii, SND, Manholii, krainach Bałtyi i Izraili. — Naš pryncypovy padychod zasnavany na intehracyi praduktaŭ Herbalife u režym charčavańnia futbalistaŭ dla dasiahnieńnia maksimalnych vynikaŭ, a taksama na supracoŭnictvie śpiecyjalistaŭ trenierskaha i miedycynskaha štaboŭ z ekśpiertami Herbalife. Hety pryncyp užyvajecca dla ŭsich kamand, partniorami jakich my źjaŭlajemsia, i mienavita jon budzie vykarystany ŭ pracy z FK «BATE».
Paviedamlajecca, što jak partnior pa charčavańni kampanija Herbalife budzie supracoŭničać z uračami futbolnaha kłuba ŭ raspracoŭcy prahramy charčavańnia hulcoŭ kamandy. Pradukcyja budzie vykarystoŭvacca pad kantrolem hałoŭnaha treniera i ŭrača FK «BATE».
Kampanija Herbalife źjaŭlajecca partnioram pa charčavańni zorki suśvietnaha futboła Kryšcijanu Ranałdu (Partuhalija), a taksama bolš jak 25 viadučych futbolnych kłubaŭ śvietu, uklučajučy «Spartak» (Maskva, Rasija), «Šachcior» (Danieck, Ukraina), i tytulnym sponsaram «Łos-Andželes Hełeksi» (ZŠA).
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary