Prezident Ukrainy Piotr Parašenka anansavaŭ źmienu taktyki praviadzieńnia ATA, kab jana stała bolš efiektyŭnaj i dazvoliła minimizavać škodu ad dziejańniaŭ terarystaŭ.
Pra heta jon raspavioŭ na naradzie z kiraŭnikami siłavych viedamstvaŭ.
«Nam treba siońnia razhledzieć novy źmiest vajennaj apieracyi ŭ novych abstavinach», — rastłumačyŭ Parašenka.
«Nam treba zrabić pierahrupoŭku sił, jakaja zabiaśpiečyć abaronu našaj terytoryi i praciah nastupalnych dziejańniaŭ armii», — dadaŭ jon.
Parašenka zajaviŭ, što ciapier staić zadača pierarezać sistemu zabieśpiačeńnia terarystaŭ najmitami, novym uzbrajeńniem i bojeprypasami.
Pavodle jaho słoŭ, taktyka zaraz zaklučajecca ŭ tym, kab «raśsiačy terytoryi, jakija kantralujucca terarystami, na zony, ščylna zvuzić koła i nie dać mahčymaści dla pastaŭki zbroi i bojeprypasaŭ».
Parašenka raspavioŭ, što samyja vialikija kantralavanyja bajavikami harady ŭžo ŭziatyja ŭ abłohu, ale na ich nasoŭvajecca ekałahičnaja katastrofa.
Prezident paviedamiŭ, što na šachtach Danbasa vada padymajecca na niebiaśpiečny ŭzrovień, a terarysty rujnujuć artyleryjskim ahniom transfarmatarnyja padstancyi, padryvajučy enierhazabieśpiačeńnie pradpryjemstvaŭ pastajannaha cykłu.
«Pakolki terarysty ŭ hetych haradach — ludzi časovyja, u ich niama ničoha, što b ich źviazvała z hetymi haradami… Jany rujnujuć infrastrukturu, padryvajuć padstancyi, padryvajuć masty, rujnujuć pradpryjemstvy. Vina za heta lažyć vyklučna na bajevikach i ich zamiežnych zastupnikach», — adznačyŭ Parašenka.
Kiraŭnik dziaržavy prapanavaŭ abmierkavać taktyku, jakim čynam pamienšyć škodu i paźbiehnuć ryzyki dla ludziej, razbureńnia pramysłovaha patencyjału Danbasa, kab «potym minimizavać pracy pa adnaŭleńni narmalnaha žyćcia».
Parašenka nahadaŭ, što ŭ niadzielu ŭ vyniku pramoha trapleńnia hranaty byŭ źniščany BMP z desantnikami.
Prezident daručyŭ ministru abarony padrychtavać pradstaŭleńnie na ŭznaharodžańnie hierojaŭ, jakija canoj svajho žyćcia abaraniajuć Danbas.
Parašenka taksama adznačyŭ, što paćviardžajecca infarmacyja pra patrapleńnie na terytoryju Ukrainy 1200 navučanych bajevikoŭ i ciažkaj vajennaj techniki «z boku ŭschodniaha susieda».
Častka hetaj techniki była źniščana, pa astatnich — prymajucca miery pa jaje źniščeńniu.
