Supracoŭniki Bresckaj mytni 16 žniŭnia ŭ respublikanskim punkcie mytnaha afarmleńnia «Kazłovičy» na biełaruska-polskaj miažy kanfiskavali 39,5 tony śviežych piersikaŭ.
Jak paviedamili u pres-hrupie mytni, frukty pieravozilisia ź Bielhii ŭ Kazachstan u dvuch aŭtamabilach «Volva», jakimi kiravali biełaruskija ekśpiedytary.
U vyniku praviadzieńnia apieracyj mytnaha kantrolu było ŭstanoŭlena, što ŭ tavarasupravadžalnych dakumientach košt tavaru značna zanižany.
U suviazi z padavańniem dakumientaŭ ź niapeŭnymi źviestkami pra košt tavaru, jakija pasłužyli b padstavaj dla pamianšeńnia pamieraŭ vypłaty mytnych pošlin i padatkaŭ, piersiki kanfiskavanyja da rašeńnia suda. Pavodle papiaredniaj acenki, ich ahulny košt bolš za 700 młn rubloŭ.
Mytniaj raspačatyja administracyjnyja pracesy. Da rašeńnia suda kanfiskavany tavar źmieščany na adkaznaje zachoŭvańnie ŭ adnym z handlovych pradpryjemstvaŭ Bresta.
Kamientary