Košt nafty marki Brent u paniadziełak źniziŭsia da minimalnaj adznaki za 14 miesiacaŭ: u chodzie tarhoŭ u paniadziełak kaciroŭki apuskalisia da $ 101,43 za bar., Minimalnaha ŭzroŭniu z 26 červienia 2013 hoda. Kastryčnickija fjučersy na Brent na Łondanskaj biržy ICE Futures ŭ paniadziełak patańnieli na $ 1,83 (1,77%) da $101,7 za bar.
Košt fjučersa na naftu WTI na vierasień na tarhach Ńju-Jorkskaj tavarnaj biržy (NYMEX) źnizŭsia na $1,14 (1,17%) da $96,21 za bar.
Padzieńnie adbyłosia na fonie viestak ab tym, što bajeviki z radykalnaj hrupoŭki «Isłamskaja dziaržava Iraka i Levanta» stracili kiravańnie najbujniejšaj płacinaj ŭ krainie — Masulskaj, adznačaje ahienctva Bloomberg. Ciapier płacina znachodzicca ŭ rasparadžeńni kurdskich uzbrojenych farmiravańniaŭ, jakija adnavili kantrol nad joj pry padtrymcy ŭradavych sił Iraka i avijacyi ZŠA.
«Antyisłamskija siły ŭmacavalisia za apošni čas i dasiahnuli prahresu», — rastłumačyŭ kiraŭnik Strategic Energy & Economic Research Majkł Linč. «Pahroza ryzykaŭ źniziłasia, i ciapier vyklikanaja imi nacenka źnikaje. Inviestary raspradajuć kantrakty paśla rostu kacirovak ŭ piatnicu na navinach z Ukrainy», — dadaŭ jon.