U Biełarusi razhladajecca mahčymaść budaŭnictva ŭ abłasnych centrach lohkaha mietro, paviedamiŭ na pres-kanfierencyi 19 žniŭnia ŭ Minsku načalnik unitarnaha pradpryjemstva «Dyrekcyja pa budaŭnictvie Minskaha mietrapalitena» Pavieł Carun.
«Budaŭnictva lohkaha mietro — dobraja ideja. My prapracoŭvajem jaje ŭ častcy taho, što sapraŭdy ŭ našych abłasnych haradach, uličvajučy zamiežny vopyt, možna jaho pabudavać. My hladzieli vopyt haradoŭ z nasielnictvam da 500 tysiač, tam pabudavana amal 30 km mietro. Jano nie takoje abjomnaje, jak u Minsku, chodziać dvuchvahonnyja ciahniki, ale kamfortnaść pieramiaščeńnia ŭnikalnaja», — adznačyŭ Carun.
Pavodle jaho słoŭ, «dla realizacyi hetaj idei nieabchodna vyrašyć finansavy bok pytańnia i atrymać adpaviednyja daručeńni na samym vysokim uzroŭni». «Ja liču, što heta maje pierśpiektyvu. My ciapier na ŭzroŭni abłvykankamaŭ hetaje pytańnie prapracoŭvajem i ŭ najbližejšy čas nakirujem na ŭzhadnieńnie», — adznačyŭ načalnik unitarnaha pradpryjemstva.
Lohkaje mietro — vid rehularnaha chutkasnaha pazavuličnaha rejkavaha haradskoha transpartu, jaki pa svaich charaktarystykach zajmaje pramiežkavaje stanovišča pamiž kłasičnym mietrapalitenam i lohkarejkavym transpartam.
Jak praviła, linii lohkaha mietro raźmiaščajucca na pavierchni abo na estakadach i časam majuć nievialikija tunelnyja ŭčastki (naprykład, na pierasadačnych vuzłach, u centry horada, na transpartnych raźviazkach). Ciahniki naličvajuć dva-čatyry vahony, dyjamietr tunelaŭ składaje 4-5 mietraŭ, u tunelach i nad ziamloj dapuścimyja značnyja ŭchiły i małyja pavarotnyja radyusy, płatformy na stancyjach — vysokija, daŭžynioj 50-90 mietraŭ i šyrynioj 5-8 mietraŭ. Linii lohkaha mietro časta źjaŭlajucca padvoziačymi da aeraportaŭ abo da stancyj zvyčajnaha mietrapalitena i tolki ŭ nievialikich haradach składajuć asnovu haradskoj transpartnaj sistemy. Pravaznaja zdolnaść linii lohkaha mietro składaje ad 6-20 da 20-30 tys. čałaviek za hadzinu ŭ adnym napramku.
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3131
Kamientary