Rasijski i jeŭrapiejski biźnies pavinien pastavić pierad palitykami pytańnie ab deeskałacyi kanfliktu va Ukrainie, pierakanany kiraŭnik «Rosnano» Anatol Čubajs.
«Taki palityčny praces pavodle definicyi stvaraje surjoznyja ryzyki dla biźniesu. I biźnies pavinien być bolš prahmatyčnym, čym palityki. Raskidvajučy kamiani ŭ šklanym domie, pastarajemsia nie raźbić jaho. Ja viedaju pazicyju mnohich jeŭrapiejskich biźniesmienaŭ, jana mienavita takaja. Spadziajusia, što ŭ kastryčniku my praviadziem pasiadžeńnie Rasijska-Jeŭrapiejskaha kruhłaha stała pramysłoŭcaŭ, dzie ja vystupaju sustaršynioj. I spadziajusia, što tam prahučyć naš ahulny zaklik da deeskałacyi», — zajaviŭ Čubajs u intervju ITAR-TASS.
Na pytańnie ab tym, ci chopić u rasiejskaha biznesu rašučaści vystupić z takim zvarotam, kiraŭnik «Rosnano» paskardziŭsia, što kaža va ŭmoŭnym ładzie. «Ale ja budu prapanoŭvać vystupić z zajavaj ab tym, što eskałacyja sankcyj prynosić abodvum bakam bolš škody, čym karyści», — skazaŭ jon.
Vytoki ŭkrainskaha palityčnaha kryzisu lažać u 1990-ch i nosiać hłabalny maštab, vychodziačy za ramki adnosin pamiž Rasijaj i Ukrainaj, ličyć Čubajs.
«Na paŭdniovym uschodzie Ukrainy razhortvajecca sapraŭdnaja trahiedyja, — acharaktaryzavaŭ jon situacyju, jakaja skłałasia. — Ale toje, što zaraz adbyvajecca, vychodzić daloka za miežy Kryma, daloka za miežy Danieckaj i Łuhanskaj abłaściej, daloka za miežy rasiejska-ŭkrainskich adnosin. Mnie zdajecca, što zrazumieć i acanić maštab taho, što adbyvajecca, možna tolki ŭ histaryčnym dyjapazonie 25-30 hadoŭ. Pačynajučy z 1990-ch, z parazy SSSR u chałodnaj vajnie, našy zachodnija partniory paśladoŭna źbirali «trafiei», hieahrafična prasoŭvajučysia ad Uschodniaj Hiermanii dalej na ŭschod. i ŭ rešcie rešt fizična nablizilisia da Hruzii i Ukrainy, blizkim da Rasii krain. Mnie zdajecca, zaraz idzie havorka ab źmianieńni palityčnaj architektury śvietu».
Takija źmieny buduć kaštavać doraha, u tym liku dla Rasii, papiaredžvaje Čubajs.
«Jak skazaŭ premjer-ministr adnoj bujnoj krainy, Rasija zdoleła dakazać, što śviet bolš nie adnapalarny, ale heta budzie kaštavać Rasii vielmi doraha, i zapłaciła jana jašče daloka nie ŭsiu canu. Da hetaha možna stavicca pa-roznamu, ale maštab padziej mienavita taki. Tema nie zvodzicca da łozunhaŭ «Krym naš» abo «Krym nie naš», — skazaŭ na zakančeńnie jon.
Kamientary