Prakuratura Frunzienskaha rajona Minska sankcyjanavała źniavoleńnie pad vartu 29-hadovaha minčuka, vykrytaha ŭ kradziažy rovara.
Za sutki ŭ Minsku vykradajuć kala 10 rovaraŭ, i heta ŭžo stanovicca prablemaj dla horada.
Jak paviedamiŭ namieśnik prakurora rajona Andrej Karabielnikaŭ, abvinavačvany raniej byŭ šeść razoŭ sudzimy za kradziažy, chulihanstva, nieadnarazova pryciahvaŭsia da administracyjnaj adkaznaści za drobnyja pravaparušeńni. Jen učyniŭ złačynstva 15 žniŭnia na vulicy Prytyckaha ŭ Minsku. Niekalki hadoŭ tamu vyzvaliŭšysia sa źniavoleńnia, jon nidzie nie pracavaŭ, byŭ mocna zaležny ad ałkaholu.
Rovar mužčyna vykraŭ u padjeździe doma svajho siabra. Transpartny srodak byŭ prykavany trosam. Kab jaho pierarezać, abvinavačvany nie palenavaŭsia schadzić damoŭ za kusačkami, a zatym na vykradzienym pajechaŭ u HC «Ždanovičy». Tut jon prapanoŭvaŭ rovar usim biez razboru, čym i pryciahnuŭ uvahu milicyi.
Užo paśla zatrymańnia mužčyna zajaviŭ, što choča za kraty, tamu što nie moža nie pić, nie moža nie kraści dla taho, kab zarablać na ałkahol.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha149
Kamientary