ria.ru
Muzykant Andrej Makarevič napisaŭ adkryty list prezidentu Rasii Uładzimiru Pucinu. Pra heta paviedamlaje hazieta «Moskovskij komsomolec». U adkrytym liście Makarevič, prosić kiraŭnika rasijskaj dziaržavy spynić «šabaš», jaki hańbuje jaho imia.
«Treci tydzień nie źmianšajecca patok brudu i paklopu, što ljucca na mianie sa staronak haziet i ekrana televizara. Mianie nazyvajuć «siabram chunty», «pamahatym fašystaŭ», «zdradnikam» i h.d. Miž tym, adzinaje «złačynstva», jakoje ja ździejśniŭ, zaklučajecca u tym, što ŭ horadzie Śviatahorsk u łahiery biežancaŭ z Daniecka i Łuhanska ja ŭ miežach dabračynnaści praśpiavaŭ try pieśni dla dziaciej hetych biežancaŭ.
U suviazi z čym nijakaj viny za saboj nie adčuvaju. Usio astatniaje, što nam raspaviadajuć u ŚMI pra maju pajezdku, — biessaromnaja chłuśnia.
Spadar prezident, ja nastojliva prašu Vas spynić hety šabaš, što hańbuje majo imia», - skazana ŭ liście.
Ad jakich-niebudź kamientaryjaŭ u hutarcy z «Lentoj.ru» Andrej Makarevič admoviŭsia. «Čytajcie list — tam usio napisana», - adznačyŭ muzykant.
