Japonskaja sietka piceryj Pizza Hut vyrašyła, što niama ničoha bolš efiektyŭnaha, čym vykarystańnie ŭ rekłamnych metach miłych kocikaŭ. Dla svajoj rekłamnaj kampanii jany źniali niekalki videarolikaŭ, dzie hałoŭnymi hierojami stali puchnatyja źviarki.
Vynik — sotni tysiač prahladaŭ na YouTube litaralna za tydzień.
U zdymkach promarolikyŭ pryniali ŭdzieł čatyry katy. Hieroi byli apranutyja ŭ čyrvonuju uniformu i hrali rolu supracoŭnikaŭ vydumanaj piceryi Pizza Cat (nazva suhučnaja Pizza Hut). Spraŭlalisia sa svaimi abaviazkami kota-pradaŭcy vielmi drenna: na videa jany śpiać, hulajuć z kasavym aparatam abo kiepkaj.
Aŭtary videa takim čynam namiakajuć na niadbajnych supracoŭnikaŭ, jakija nie zaŭsiody dobra vykonvajuć svaju pracu.
Paśla rolikaŭ raźmieščany tekst: «Kali vy nie atrymali svaju picu, značyć, katy nie adčuvajuć matyvacyi, prabačcie ich».
Pavodle zadumki aŭtaraŭ, videa źjaŭlajucca samaironijaj, hultajavatyja katy simvalizujuć marudlivych i abyjakavych pradaŭcoŭ-studentaŭ, jakija prychodziać u piceryju padpracavać na letnich vakacyjach.
