Zatrymanych na terytoryi Ukrainy rasijskich desantnikaŭ dastavili ŭ adzin sa śledčych izalataraŭ Kijeva, paviedamiŭ śpikier infarmacyjnaha centra RNBA Ukrainy Andrej Łysienka.
Adkazvajučy na pytańni žurnalistaŭ pra status rasijanaŭ, jon zajaviŭ, što jany «źjaŭlajucca nie vajennapałonnymi, a zatrymanymi».
Na pres-kanfierencyi ŭ sieradu ŭ Kijevie, u jakoj pryniali ŭdzieł 9 z 10 zatrymanych desantnikaŭ, jany zajavili, što nie mieli namieraŭ pierasiakać rasijska-ŭkrainskuju miažu.
«My nie možam skazać, kali dakładna my pierajšli miažu, i ŭ jaki momant pierajšli miažu, tam nie było ni znakaŭ, ni tabličak», — skazaŭ namieśnik kamandzira ŭzvoda 333-ha pałka 98-j Śvirskaj dyvizii Pavietrana-desantnych vojskaŭ Uzbrojenych sił RF siaržant Uładzimir Zavaściejeŭ.
Jon adznačyŭ, što ŭ desantnikaŭ padčas maršu nie było zahadaŭ adkryvać ahoń, zbroja była nie zaradžana.
Zatrymanyja raskazali, što ŭsiaho ŭ kałonie, jakuju jany supravadžali, było kala 200 čałaviek, i hety incydent adbyŭsia ŭ pieršy dzień vučeńniaŭ.
Kamientary