Vosieńniu ŭzdoŭž MKAD buduć masava vysadžvać kusty, paviedamiŭ na pres-kanfierencyi 3 vieraśnia hienieralny dyrektar UP «Minskzielenbud» Ihar Kušniarevič.
«My imi zakryjem tyja haražnyja kaapieratyvy, jakija majuć davoli niepryhožy vyhlad. Pierad imi vysadzim zaharadzi z kustoŭ, jakija ich zakryjuć i pryviaduć da bolš estetyčnaha vyhladu», — skazaŭ hiendyrektar.
Pavodle jaho słoŭ, tradycyjna pierad śviatam horada, jaki projdzie 13—14 vieraśnia, buduć pryviedzieny ŭ paradak kvietniki. «Jany byli vysadžany ŭ červieni, i niekatoryja kvietki stracili svaje dekaratyŭnyja ŭłaścivaści. Taksama buduć praviedzieny pakosy, čystka horada, kab da śviata jon bliščeŭ», — skazaŭ Kušniarevič.
Jon taksama paviedamiŭ, što ŭ kastryčniku budzie abvieščany tendar na kuplu chryzantem. «Letaś u niekalkich miescach horada byli vysadžanyja hetyja kvietki, i my hetuju tradycyju praciahniem. Vysadzim chryzantemy pa asnoŭnych praśpiektach, i jany ceły miesiac buduć radavać minčan», — adznačyŭ hiendyrektar. Akramia taho, u vosieński pieryjad buduć praciahnutyja raboty pa pasadcy dreŭ, cybulnych kvietak.
Za pradpryjemstvami sistemy «Minskzielenbud» zamacavana: 25 parkaŭ, 159 skvieraŭ, 26 bulvaraŭ, nabiarežnyja, azialenienyja terytoryi i nasadžeńni ŭzdoŭž vulic ahulnaj płoščaj 7.134 ha, a taksama 33.481 ha lasoŭ, u tym liku 2.705 ha haradskich, i 122 ha plažaŭ z prylehłymi dobraŭparadkavanymi terytoryjami.
Štohod u Minsku siłami pradpryjemstvaŭ sistemy UP «Minskzielenbud» i UP «Zielenbud» administracyjnych rajonaŭ Minska vysadžvajecca prykładna 40 tys. dreŭ, 100 tys. kustoŭ i 2,5 młn. štuk rasady kvietak, stvarajecca bolš za 200 ha hazonaŭ.
Kamientary