Bolš jak 31 tysiača žycharoŭ Mahiloŭskaj vobłaści staić na narkałahičnym uliku
U Mahiloŭskaj vobłaści na dyspansiernym uliku ŭ narkołahaŭ staić bolš za 31 tys. pacyjentaŭ, paviedamiŭ 16 vieraśnia na pres-kanfierencyi ŭ Mahilovie ŭrač-psichijatr-narkołah Andrej Čaradničenka.
Siońnia ŭ Mahilovie prajšła pres-kanfierencyja, pryśviečanaja pačatku inicyjavanaj MUS respublikanskaj akcyi «Stop nasille» pa prafiłaktycy i praduchileńni nasilla ŭ siamji.
Pavodle źviestak milicyi, kala 90% złačynstvaŭ u śfiery siamiejna-bytavych adnosinaŭ adbyvajecca na hlebie złoŭžyvańnia ałkaholem.
Kolkaść hramadzian, jakija stajać na dyspansiernym uliku, — bolš za 31 tys. čałaviek, na praciahu apošnich hadoŭ zastajecca praktyčna niaźmiennaj, adznačyŭ Čaradničenka. Pavodle jaho słoŭ, 7 tys. ź ich — žančyny, a prykładna 1.050 — niepaŭnaletnija.
Urač śćviardžaje, što z hetych hramadzian bolš za 22 tysiačy čałaviek majuć sindrom zaležnaści ad ałkaholu abo chraničnaha ałkahalizmu. U asnoŭnym heta ludzi siaredniaha i starejšaha ŭzrostu.
U toj ža čas hramadzian, jakija stajać na prafiłaktyčnym uliku ŭ narkadyspansiery, — bolš za 9 tys., siarod jakich pieravažajuć asoby ad 18 da 30 hadoŭ, paviedamiŭ Čaradničenka.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy26
Kamientary