Były futbalist kijeŭskaha «Dynama», staršy trenier machačkalinskaha «Anžy» Andrej Husin zahinuŭ, raźbiŭšysia na matacykle, paviedamlajuć infarmahienctvy.
Trahiedyja sa spartsmienam adbyłasia ŭ Kijevie na aŭtadromie «Čajka». Pa słovach dyrektara aŭtadroma, 41-hadovy Husin vyjechaŭ na kalcavy trek trasy i na adnym ź viražoŭ vylecieŭ ź siadła. Mužčyna pamior, nie prychodziačy ŭ prytomnaść.
U aktyvie Andreja Husina 71 matč i 9 hałoŭ u składzie nacyjanalnaj zbornaj Ukrainy. Futbalist siem razoŭ stanaviŭsia čempijonam Ukrainy, čatyry razy ŭładalnikam nacyjanalnaha Kubka i ŭ składzie kijeŭskaha «Dynama» dachodziŭ da paŭfinału Lihi čempijonaŭ u 1998-1999 hadach. U składzie nacyjanalnaj kamandy vystupaŭ na čempijanacie śvietu 2006 hoda ŭ Hiermanii.
Kamientary