Piacichvilinnyja prahułki štohadzinu dapamohuć zachavać zdaroŭje
Siadziačy ład žyćcia ŭ sučasnaj miedycynie tryvała asacyjujecca ź niebiaśpiekaj dla zdaroŭja. Naprykład, daśledvańnie, praviedzienaje suprcoŭnikami amierykanskim Nacyjanalnaha instytuta raku ŭ 2012 hodzie pakazała, vyšejšy ŭzrovień śmiarotnaści siarod tych hrup ludziej, jakija pravodzili šmat času siedziačy.
Škoda ad siadzieńnia tłumačycca zastojem kryvi ŭ nahach, što vyklikaje endatelijalnuju dysfunkcyju (parušeńnie narmalnaj pracy ŭnutranaj vyściłki sasudaŭ i serca, adkaznaj za kantrol arteryjalnaha cisku i mnohich inšych važnych funkcyj) i pryvodzić da sardečna-sasudzistych chvarobaŭ.
Adnak paźbiehnuć niehatyŭnych efiektaŭ praciahłaha siadzieńnia možna prostaj 5-chvilinnaj prahułkaj, śćviardžajuć navukoŭcy.
Hrupa daśledčykaŭ z Univiersiteta Indyjany ŭ ZŠA praviała ekśpierymient, padčas jakoha 12 mužčyn z narmalnaj vahoj cieła byli padzielenyja na dźvie hrupy. Pieršaja hrupa bieśpierapynna siadzieła ciaham troch hadzin. Druhaja hrupa trojčy pieraryvała svajo trochhadzinnaje siadzieńnie pavolnymi 5-chvilinnymi prahułkami (paśla 30 chvilin, 1,5 hadzin i 2,5 hadzin siadzieńnia).
Pa prašeści troch hadzin navukoŭcy z dapamohaj ultrahukavaj dyjahnostyki pravieryli stan ściehnavych arteryj mužčyn.
Arteryi členaŭ pieršaj hrupy zvuzilisia na 50% u paraŭnańni z pačatkovym stanam, a pryciok kryvi da noh taksama źniziŭsia. A voś u pradstaŭnikoŭ druhoj hrupy nie nazirałasia značnych źmien u stanie arteryj. Niahledziačy na nievialikuju kolkaść udzielnikaŭ, ekśpierymient pakazvaje, nakolki važna dla zdaroŭja nie prosta ruchacca, ale i pastajanna čarhavać pieryjady siadzieńnia ź pieryjadami navat nievialikaj fizičnaj aktyŭnaści.
Kamientary