Premjer-ministr Ukrainy zaniaŭ va ŭkrainskim kiraŭnictvie pazicyju jastraba.
Premjer-ministr Ukrainy zahadaŭ siłavym strukturam zastavacca ŭ poŭnaj bajavoj hatovaści. «Rasija adnaznačna nie daść nam miru i stabilnaści. Tamu ja prašu ministra abarony być u poŭnaj bajavoj hatovaści», — zajaviŭ Arsień Jacaniuk na pasiadžeńni ŭrada.
Realizacyja mirnaha płana Parašenki nie aznačaje «rassłableńnia dla ministerstvaŭ abarony i ŭnutranych spravaŭ», — skazaŭ Jacaniuk. «Poŭnaja hatovaść. Nikomu nielha vieryć, i asabliva ruskim», — papiaredziŭ Jacaniuk.
Nahadajem, što ŭ sakaviku Rasija anieksavała Krym, a ŭ krasaviku—žniŭni rasijskija siły zachapili bahatyja rajony Danbasa. U bajach tam zahinuła kala 1200 ukrainskich siłavikoŭ.
Jacaniuk zajaviŭ, što ŭrad «kateharyčna» vystupaje za mir, bo vajna zabiraje žyćcio ŭkrainskich hramadzian i zanadta doraha kaštuje.
«Ci vystupajem my za mir? Kateharyčna tak. Zanadta doraha nam kaštuje vajna. Kožny dzień vajny nam kaštuje 80 miljonaŭ hryŭniaŭ», — rastłumačyŭ Jacaniuk.
«Ale treba adkryta skazać, jaki košt hetaha miru. Lehalizavać terarystaŭ «ŁNR» i «DNR» nichto nie daść. Prynamsi, heta maja palityčnaja pazicyja», — zajaviŭ jon.
Jak viadoma, Jacaniuk zajaviŭ, što hrošy inšych rehijonaŭ dla adnaŭleńnia zachoplenych rajonaŭ Danbasa Kabmin nie daść, a prapanavaŭ aliharcham i mižnarodnym partnioram «skinucca».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary