U Maładziečnie złavili dynastyju samahonščykaŭ
Jany ŭžo treci raz traplajucca milicyi.
Pačaŭ hetuju spravu baćka, jakomu ciapier 50 hod. Jaje praciahnuli dva syny: adnamu 30 hadoŭ, druhomu – 26. Nichto ź ich nidzie nie pracavaŭ. Zarablali na žyćcio mužčyny vyrabam samahonki.
Sioleta ŭ žniŭni 30-hadovaha samahonščyka złavili. Jon hnaŭ samahonku ŭ vioscy Scholina. Padčas dahladu milicyja vyjaviła samahonny aparat i vosiem z pałovaj tysiač litraŭ brahi.
Znajšli dva katłavany adchodaŭ samahonki
U lipieni milicyja złaviła 26-hadovaha samahonščyka ź viadomaj nam dynastyi.
Na chutary kala vioski Kłapačy jaho zatrymali razam z 21-hadovym siabram, kali jany hnali samahon. U domie nie było vady i śviatła – mužčyny pryvieźli z saboj elektrahienieratar. Vadu brali z sažałki.
Paśla ahladu milicyja znajšła samahonny aparat i 16 ton brahi. A jašče dva katłavany dla adchodaŭ samahonki. Abjom adnaho kala 20 ton, druhoha – da 10 ton. Apošni ŭžo nie vykarystoŭvajecca.
Samahonku hnali ŭ haražy
30-hadovaha samahonščyka z hetaj dynastyi milicyja zatrymlivała i ŭ červieni. Jon vyrablaŭ samahonku razam z 29-hadovym i 31-hadovym siabrami.
Hnali jaje ŭ haražy niedabudavanaha katedža. Padčas pravierki milicyja znajšła samahonny aparat, vosiem z pałovaj ton brahi i 280 litraŭ samahonu.
Pry zatrymańni pabili milicyjanieraŭ
U 2009 hodzie, kali supracoŭniki milicyi zatrymlivali samahonščykaŭ, tyja supraciŭlalisia. Pabili milicyjanieraŭ kułakami i draŭlanaj pałkaj. Za heta ich u 2010 hodzie asudzili.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary